1. ingilis dilində "blaxploitation" olaraq gedən, afro-american studies üzərində işləyənlərin və ya işləyəcək olanların yaxından tanış olacağı termin. 1960-larda dövlət geniş vüsət almış vətəndaş hüquqları hərəkatından keçirdiyi narahatçılıq səbəbi ilə hərəkata və afro-amerikalılara ləkə yaxmaq üçün mediadakı gücünü işə keçirir. afro-amerikalılar filmlərdə, seriallarda ağların istədiyi kimi müti və ya pis obrazlarda göstərilməyə başlayır. filmlərdə şablon qaradərili anti-qəhrəman obrazı yaradılmağa başlanılır, çox vaxt ya narkotik bandasının başçısı, kasıb kvartalda yaşayan tüfeyli, vəzifəsindən sui-istifadə edən qaradərili polis və ya ağ ailəyə xidmət etməkdən məmnunluq duyan müti yaşlı afro-amerikalı xidmətçi obrazında. carterin gəlişi ilə dövlət bu siyasətindən əl çəkir və mənfi afro-amerikal imici ortadan qaldırılıb yerinə seriallarda yavaş-yavaş intellektual orta sinif afro-amerikalı da əlavə olunur. in the heat of the night, shaft in africa, super fly, the spook who sat by the door kimi filmlər tarixə "qaradərili aktyorların ekspluatasiya" olunduğu filmlər kimi gedib.